Jeikoporãve rekávo letra

Ohóje tetã ambuépe
Jeikoporãve rekávo
Pyhare été ohasávo
Roñe'ê'imi ipahaite
Aipojopývo ichupe
Tesay okukúi heságui
Ha oje'óivo che rendágui
Ho'a pytû cherehe

Oremitãmi guive
Rokakuaa ojoypyetépe
Vy'a, saraki, pukápe
Pynandimírõ jepe
Ramoiténte upehague
Naimo'ãi chemandu'ávo
Aipo ha'e orerejávo
Ha ohóvo mombyryete

Jeikoporãve rekávo
Paraguáipe ndaikatúigui
Osêva guive cuartelgui
Mitã katupyryeta
Tetã ambuépe ohopa
Ko'êvére ijetu'úgui
Ha itúva pópe ohechágui
Kéra yvoty ipirupa

Mayma ikakuaa irûngue
Chupe rohechaga'úva
Ha hese roporandúva
Vokói py'ỹinte ojupe
Ndoroikuaái mavave
Mba'épa oiko hekovégui
Mamópa tekotevêgui
Oho ha opyta ha'e

Hepypa opaite mba'e
Ha ipohyive jahavére
Ñamba'apóva kokuérepe
Nahembyvéi mba'eve
Kueráigui asêta cheave
Aharei yvytúre
Ko'ápe mbeguekatúpe
Cheopívota katuete

Jeikoporãve rekávo
Paraguáipe ndaikatúigui
Osêva guive cuartelgui
Mitã katupyryeta
Tetã ambuépe ohopa
Ko'êvére ijetu'úgui
Ha itúva pópe ohechágui
Kéra yvoty ipirupa

Tendota ha mburuvicha
Ndoikuaaséi mboriahúgui
Hyvatã guive ha'ekuéra
Tokapupa tetãgua
Ikatúva jaguata
Jahapa ñembyasypópe
¿Mba'éiko ã moñái poguýpe
Japytáta jaipota?

Jahayhu ñande retâ
Ñande sy ha ñande rúpe
Ku heta jepy'apýpe
Imitã omongakuaa
Upéima opytahag̃ua
Tuja, g̃uaig̃ui itavapýpe
Hasykue itapereguýpe
Oha'ãrõvo imano

Jeikoporãve rekávo
Paraguáipe ndaikatúigui
Osêva guive cuartelgui
Mitã katupyryeta
Tetã ambuépe ohopa
Ko'êvére ijetu'úgui
Ha itúva pópe ohechágui
Kéra yvoty ipirupa

Adrián Barreto - Letras

• ¡Ha! Pilíncho
• A Mi Tierra Distante
• Ajevy Jeývo
• Ako ñane ynambumi
• Al Pie de Tu Reja
• Al Regresar
• Asuncena
• Canário ha'eñomi
• Causa Neñaña
• Che ãnga jára rangue
• Che Mba'embyasy
• Che Peguahomi
• Che Renda Alazán
• Che retã momorãvo
• Che Róga
• Chokokue Mborayhu
• Ciudad de Pilar
• Con Mi Guitarra
• El Agua
• El Arriero
• Entre Tu Sueño
• Este díantema reju
• Hekovia Techaga'u
• Imposible, vida mía
• Ivana Graciela
• Jeikoporãve rekávo
• Lekaja
• María Gloria
• Mariposami (Mariposa Parami)
• Mbyju'i pepohûmi
• Mensaje de Mi Pueblo
• Mitã Okaragua
• Paloma
• Paraguay, Tierra Inmortal
• Pykasu
• Reina de Mi Vida
• San Pedro del Paraná
• Serenata Ko'êmbota
• Soraida
• Verdor Eterno
• Vivo
• Yeyita-pe g̃uarã