Ako ñane ynambumi letra

Nemandu'ávapa nde
Akóina ko ka'aru
Che guataháguio aru
Tupã rymba porãite

Ñuhãme jeitypyre
Guyra ñu para'imi
Ako ñane ynambumi
Jahayhuetémi va'ekue

Mokõivéva ku jaiko
Ñañombopópe hese
Ñahetû, ñamoñe'ê
Ha mitãicha jareko

Ha'éanga pe ikorasõ
Hasývaichante ichupe
Ha oiméne ningo ra'e
Hi'ãguîgui upe imano

Upéintepako iko'ê
Ikangy, hasykatu
Ha vokóima rejuhu
Tupa guýpe he'õngue

Okuiva'ekue umi hague
Rembyaty reñongatu
Ha rehupi rehetû
Ne rymbami retekue

Nerasêpako ha ere
Oho ñane ynambumi
Oiméne ha'eguei
Yvágapema og̃uahê

Upévantepako che
Ambyasy, nambyasypái
Ha mokõivéva ojovái
Ko'ýte ñanerasê

Nde hag̃uántema, kuña
Resê reho mombyry
Ha remyasãi vy'a'ỹ
Che rekovépe g̃uarã

Ko'ág̃a péina apyta
Ha'ete ku tyre'ỹ
Amboy'u che resay
Ne kunu'û rekovia

Ako ñane ynambumi
¿Nemandu'ávapa nde?
Akãngytápe kuehe
Ajuhu haguekuemi

Amoñe'ê katui
Ha che kûguýpe ha'e
Péicha g̃uarãnte ra'e
Mborayhu ogue avei

Adrián Barreto - Letras

• ¡Ha! Pilíncho
• A Mi Tierra Distante
• Ajevy Jeývo
• Ako ñane ynambumi
• Al Pie de Tu Reja
• Al Regresar
• Asuncena
• Canário ha'eñomi
• Causa Neñaña
• Che ãnga jára rangue
• Che Mba'embyasy
• Che Peguahomi
• Che Renda Alazán
• Che retã momorãvo
• Che Róga
• Chokokue Mborayhu
• Ciudad de Pilar
• Con Mi Guitarra
• El Agua
• El Arriero
• Entre Tu Sueño
• Este díantema reju
• Hekovia Techaga'u
• Imposible, vida mía
• Ivana Graciela
• Jeikoporãve rekávo
• Lekaja
• María Gloria
• Mariposami (Mariposa Parami)
• Mbyju'i pepohûmi
• Mensaje de Mi Pueblo
• Mitã Okaragua
• Paloma
• Paraguay, Tierra Inmortal
• Pykasu
• Reina de Mi Vida
• San Pedro del Paraná
• Serenata Ko'êmbota
• Soraida
• Verdor Eterno
• Vivo
• Yeyita-pe g̃uarã